-
Priyuralu Piliche – ప్రియురాలు పిలిచె
0₹100.00ఒక అబ్బాయిని సృష్టించండి. అంతకన్నా మంచివాడు ఈ ప్రపంచంలో ఇక ఉండకూడదు” అంది సరస్వతి.
”సృష్టించాను” అన్నాడు బ్రహ్మ.
”గొప్ప తెలివితేటలున్న అమ్మాయిని సృష్టించండి. ఇద్దరికీ పెళ్ళిగీత నుదుట వ్రాయండి”.
”వ్రాసాను” అన్నాడు బ్రహ్మ.
”ఇప్పుడా అమ్మాయిని సెక్సుకి పనికి రాకుండా చేయండి”.
బ్రహ్మ అదిరిపడి ”వద్దు సరస్వతీ” అన్నాడు కంగారుగా.
”ఏం?… మనలాంటి దేవతలకెలాగూ సాధ్యం కాదు. కనీసం మనుష్యుల కన్నా సెక్స్ లేకుండా ప్రేమించగలగడం సాధ్యమవుతుందేమో చూద్దాం” – అంది సరస్వతి.
కల్యాణి, కార్తికేయ, అనూజ్ఞ – ఈ మువ్వురి చుట్టూ సాగే కథ ప్రియురాలు పిలిచె. ఈ ముగ్గురివీ మూడు భిన్న స్వభావాలు. కల్యాణిని ప్రకృతి సౌందర్యం కంటే మానేజ్మెంట్ అకౌంటెన్సీయే ఎక్కువ ఆకర్షిస్తుంది. మనిషికీ మనిషికీ మధ్య బంధం అనేది పరస్పర అవసరాల కోసం మనుష్యులు ఏర్పర్చుకునే లౌక్యపు ముడి అని ఆమె గాఢ నమ్మకం. కల్యాణి తండ్రిని ఆమె ఐదో ఏటే ఆమె మేనమామ ఆస్తి కోసం హత్య చేస్తాడు. చేదు అనుభవాలతో రాటు దేలిన కల్యాణిది పూర్తిగా మెటీరియలిస్టిక్ ధోరణి.
ఇక కార్తికేయ ప్రపంచమే వేరు. జమీందారీ కుటుంబంలో పుట్టినా పేదరికంలో పెరిగాడు. డబ్బు లేక మెడిసిన్ చివరి సంవత్సరంలో చదువు ఆపేశాడు. కుంచెలతో అందమైన బొమ్మలూ వేస్తాడు. శాంతినికేతనానికి వెళ్ళి చదువుకోవాలన్నది అతడి తీరని కోరిక. అభిమానాలకీ ఆపేక్షలకీ విలువిస్తాడు. అహం దెబ్బతిన్న కల్యాణి అతడి జీవితంలో ప్రవేశిస్తుంది. తనని పెళ్ళి చేసుకోమని కోరుతుంది. ఇంకో పక్క ఇంద్రచాపంలాంటి అనూజ్ఞ కూడా అల్లరితో కార్తికేయకు దగ్గరవుతుంది…. ఊహించని సంఘ టనలతో కథ మరెన్నో మలుపులు తిరుగుతుంది. జీవితంలో సెంటిమెంట్లకి విలువుందా ? ఏ ప్రతిఫలమూ ఆశించని ప్రేమ అసలు ప్రపంచంలో ఉంటుందా ? ప్రేమకి థర్డ్ డైమెన్షన్ ఇచ్చిన నవల – ప్రియురాలు పిలిచె
-
Radha – Kunti – రాధ – కుంతి
0₹60.00‘నా స్నేహాన్ని తిరస్కరించావు నువ్వు, ప్రేమ ముందు స్నేహంతో ప్రారంభం కావాలి అని నా అభిప్రాయం. తరువాత ఆ స్నేహంతో దేహాలు దగ్గరవ్వాలి. అదీ థ్రిల్లు. ఆథ్రిల్ ఇంకా ఏమైనా మిగులుంటే అప్పుడు పెళ్ళవ్వాలి. నా ధియరీకి పెద్ద దెబ్బ కొట్టేసేవ్ రాధా నువ్వు. నీ దృష్టిలో ప్రేమనేది స్నేహం వల్లా. స్పర్శవల్లా ఉద్భవించదన్నావు, కాబట్టి – హాయిగా ఇంకెవర్నైనా ప్రేమించటం మొదలుపెట్టు. నీ మెళ్లో మూడు ముళ్ళు వేయలేదు ఫ్రెండ్-విప్పి చూసుకో రెండే ముళ్ళు వేసేను. బైదిబై రిజిష్ట్రార్ ఆఫీసుకు వెళ్ళి సంతకాల కోసం వెతక్కు. అది పాత పుస్తకాల షాపులో కొన్న లెడ్జరు – చివరగా – థాంక్స్ ఫర్ది ఎక్స్పీరియన్స్ – కృష్ణ.
పై ఉత్తరం రాధ – కుంతి నవలలో రాధకు కృష్ణ రాసినది. ప్రేమించి పెళ్ళి చేసుకోవడమా ? పెళ్ళి చేసుకుని ప్రేమించడమా ? అనే యువకులూ ప్రేమను ముందే రుచి చూసి ఎవరితో ప్రేమో నిర్ణయించుకోవాలని ఒకరూ, ప్రధమ స్పర్శతోనే జీవిత భాగస్వామిని ఎంచుకోవాలనే మరొకరూ సంఘర్షణ పడుతుంటే – కృష్ణుడిని ఎంచుకున్న రాధ చెడ్డదా ? కర్ణుడిని కన్న కుంతి చెడ్డదా ? అనే మీమాంసకు అనాధల్నించి ఆపదల్నుంచి ఇవతలికి ఈడ్చే ‘అఆఇఈ’ సంఘం ఒకటి వుంది. ఆ విచిత్ర సంఘం పరిష్కరించిందా పై నలుగురి సమస్యల్నీ ?
యండమూరి వీరేంద్రనాథ్ నవలా పజిల్ ‘రాధ-కుంతి’లోకి వెళ్ళి మీరే క్లూని పట్టుకోండి.
-
Rakshasudu – రాక్షసుడు
0₹100.00‘నువ్వింత తెలివైనవాడివిలా కనబడుతున్నావు. ఇంత చక్కగా ఆలోచిస్తున్నావు. ఈ ఊబిలో ఎలా ఇరుక్కు
పోయావు ?”
”ప్రతివాడికీ ఒక బలహీనత వుంటుంది తాతా, నా బలహీనత – నా అమ్మ. అమ్మని కనుక్కోవాలన్నది నా జీవితాశయం. సరిగ్గా ఆపేరు వచ్చేసరికల్లా ఏం చేస్తున్నానో కూడా ఆలోచించకుండా దిగిపోతూ వుంటాను. ఈ ప్రపంచంలో ఎంతమంది నా బలహీనతని ఆసరాగా చేసుకుని తమ పబ్బం గడుపుకున్నారో, వాళ్ళందరి మీద పగ తీర్చుకుంటాను !! ఎలాగైనా అమ్మని కనుక్కొని తీరతాను…..”
”ఇక్కడ నుంచి బయటపడితే….” నవ్వుతూ పక్కనుంచి అన్నాడు సింహం…..
అతనికి పేరు లేదు. తల్లి కడుపులోంచి…. చెత్త కుండీలోకి…. అక్కణ్ణుంచి కాకులు దూరని కారడవిలోకి బానిసగా…. తోడేళ్ళ లాంటి మనుషుల మధ్య నుండి బయటపడి…. అంతకన్నా భయంకరమైన మాఫియా గ్రూపుల నడుమ చిక్కుకుని……
కేవలం ఒకే ఒక ఆశ. తన తల్లెవరో తెలుసుకోవాలని ! ఆ తపనని క్యాష్ చేసుకునే గుంటనక్కలు, రాబందులతో ఎడతెడగని పోరాటం….
అతడు చివరికి తన తల్లెవరో తెలుసుకున్నాడా ? ఎవరామె ?
1980 దశకంలో వెలువడి సంచలనం సృష్టించిన యండమూరి వీరేంద్రనాథ్ నవల రాక్షసుడు. ఆ తరువాత సినిమాగానూ వచ్చి సూపర్హిట్ అయింది. ఇండియాలో ప్రజాస్వామ్యం ఎంత నేతిబీర చందమో, ప్రభుత్వ యంత్రాంగం దళారీలతో ఎలా కుమ్మక్కయ్యిందో, సాధారణ పౌరులెలా ఏమీ పట్టనట్టు నిమ్మకు నీరెత్తినట్టున్నారో పదునైన శైలిలో చిత్రించిన నవల – రాక్షసుడు.
-
Rakta Sindhuram – రక్తసింధూరం
0₹60.00మనిషి నిర్మించుకున్న కట్టుబాట్లు, మనిషి తయారుజేసుకున్న న్యాయశాస్త్రం నైతిక విలువల్ని, జీవన విధానాన్ని పరిరక్షిస్తాయా?
సమసమాజ నిర్మాణానికి ప్రముఖ రచయిత యండమూరి వీరేంద్రనాథ్ ఇస్తున్న కొత్త పిలుపు ‘రక్త సింధూరం’.
-
Rendu Gundela Chappudu – రెండు గుండెల చప్పుడు
0₹60.00నాకు యవ్వనం వుంది. అందం వుంది. రచయిత్రిని. నాకు స్వేచ్ఛ కావాలి. భర్త కట్టడిలో వుండటం నాకిష్టంలేదు. అందుకే ఈ వివాహ వ్యవస్థని నేను నమ్మను. నాకున్న ‘స్వేచ్ఛ’ నన్ను అంచెలంచెలుగా తారాపధానికి చేరుస్తుంది. – పద్మిని.
అట్టడుగు వర్గాల్లో చైతన్యం తీసుకురావటానికి నేను రచనలు చేస్తాను. నేను వ్రాసేది చదివి పాఠకులు చైతన్యవంతులై, అట్టడుగు వర్గాల్ని పైకి తేవాలి. దాన్నే ‘సామాజిక స్పృహ’ అని నేను నమ్ముతాను – విష్ణుమూర్తి.
నా భార్య అంటే నాకు వల్లమాలిన ప్రేమ. ఎక్కడ ప్రేమ ఎక్కువ వుంటుందో అక్కడ స్వార్ధం వుంటుంది. దాన్ని ‘కట్టడి’ అని నా భార్య అనుకుంటే నేనేం చెయ్యను ? – ప్రభాకర్.
నేను సగటు స్త్రీని. ఆలోచించే శక్తి వుంది. వివాహం మంచిదా ? స్వేచ్ఛ మంచిదా ? వివాహంలో స్వేచ్ఛ లేదా ? ఏ నిర్ణయం తీసుకోను ? – సుభాషిణి.
కష్టం నుంచి బయటపడటానికి చేసే ప్రయత్నం తప్పుకాదు. కాని ఎన్నుకునే మార్గం తప్పుకావచ్చు. ‘కష్టం’వేరు. ‘అసంతృప్తి’ వేరు. అసంతృప్తుల్ని కష్టాలుగా భూతద్దంలో చూపెట్టే ప్రయత్నాల్ని ఖండించాలి. మనం ఒక నిర్ణయం తీసుకుని పని చేస్తే, కొన్ని కష్టాలు తొలగిపోవచ్చు. మరికొన్ని కొత్త కష్టాలు రావచ్చు. వాటిని ఎలా ఎదుర్కోవాలో ముందే మనం ప్రిపేరయి వుండాలి. తెలియని దేవుడిని ఆహ్వానించేకన్నా, తెలిసిన దెయ్యాన్ని మార్చుకునే ప్రయత్నమే మంచిది’ అంటూ డి.ఎస్.పి. మూర్తి సలహా ఇచ్చాడు సుభాషిణికి.
నాలుగు విభిన్న పాత్రలతో మనోవిశ్లేషాత్మకంగా రాసిన నవల ‘రెండు గుండెల చప్పుడు’ రచయిత యండమూరి వీరేంద్రనాథ్.
-
Rudranetra – రుద్రనేత్ర
0₹100.00ప్రపంచాన్ని క్షణాల్లో నాశనం చెయ్యగల విష వాయువుని కనుక్కుంది ‘రేఖ’ అనే సైంటిస్ట్!
అది ఏజెంట్ ‘ క్యూ’ చేతిలో పడితే, ప్రపంచాన్ని అతడు అల్లకల్లోలం చెస్తాడు.
ప్రపంచ ప్రళయానికి కొద్ది రోజులే వ్యవధి వుంది.
దాన్ని ఆపటం కోసం ప్రభుత్వం ఆ పనిని అప్పగించింది…ఇండియన్ ఏజెంట్ నేత్రకి….!
‘ప్రతిమ మరో సి.బి.ఐ. ఏజెంట్. అమె చేసిన పొరపాటు వల్ల రేఖ బదులు లేఖ అనె మరో అమాయకమైన అమ్మాయిని వెంటాడుతాడు నేత్ర.
ఎత్తులు-పై ఎత్తులు….! అపోహలు-అనుమానాలు ….!
బావుకత్వం బ్యాక్ డ్రాప్ లో అద్భుతమైన స్పై , సస్పెన్స్ థ్రిల్లర్. -
Rushi – ఋషి
0₹50.00‘ఏమిటాలోచిస్తున్నావ్ ?” అలవోకగా పక్క మీదకు వాలి అంది అమ్మాయి. మాట్లాడలేదు నేను – ఆమెనే చూస్తూ వుండిపోయేను. చీరెకి, జాకెట్టుకి మధ్య, సముద్రపు తీరానే స్థిరంగా నిలబడి యుగయుగాలుగా, ఆ అలల తాకిడికి సున్నితత్వాన్ని ఆపాదించుకున్న కొండరాళ్ల నునుపు సెక్స్ కాదు, ఉద్విగ్నత.
”ఏమిటి కొంపదీసి ఈ గంటా యిలా ఏదో ఆలోచిస్తూనే గడిపేస్తావేమిటి బాబూ?”
అడుగు ముందుకేసి – ఆమె చేరువై – ఆ స్పర్శలో – ఆ గుండె చలనపు సవ్వడి. తరతరాలుగా స్త్రీని పురుషుణ్ణి ఏకం చేసే రాగబంధం – లయ. ఏ వాద్యకారుని వేళ్లు సుతారంగా మీటుతున్నాయో –
ఆమె చెయ్యి లైట్ మీదకు వెళ్లబోయింది – వారించాను. లైటార్పితే – ఇంత ఆనందం ఎక్కడుంది ?……..
అతడు ప్రకాశం. అతడు ప్రేమించిన అమ్మాయి. అతడ్ని ప్రేమించిన మరో అమ్మాయి. ఈ వలయం నుంచి చూస్తే అన్నీ సజావైన ప్రేమ వ్యవహారాలే. కానీ హిపోక్రసీ అతడిని ఉక్కిరిబిక్కిరి చేసింది. నవ నాగరికతలో ఈతడు ఇమడలేకపోయాడు. ఆత్మవంచనతో బతకలేకపోయాడు. ఐయామ్ ఆల్సో బికమింగ్ ఎస్కేపిస్ట్ లైక్ యు!- అననైతే అన్నాడు కానీ – చెడిపోవడం కూడా అందరికీ చేతకాదు. అదీ ఒక ఆర్టు! మన బ్రతుకుల్లోని వంచనాశిల్పాన్ని ఎత్తిచూపే యండమూరి వీరేంద్రనాథ్ సమస్యాత్మక నవల – ఋషి.
-
Sampurna Premayanam – సంపూర్ణ ప్రేమాయణం
0₹75.00‘నాకు అర్థం కావటం లేదు” అన్నాడు వేణు. ఆమె ఎందుకలా ప్రవర్తించిందో.. అంత చనువు ఎందుకు ప్రదర్శించిందో”.
”నాకు నిన్న రాత్రి అర్థం కాలేదు. కానీ రాత్రి రూమ్కొచ్చాక ఆలోచిస్తే అర్థమయింది” అన్నాడు ప్రసాదరావు.
”ఏమిటి?”
”ప్రసాద్తో గొడవవల్ల ఆమె మానసికంగా బాగా కృంగిపోయింది. అటువంటి పరిస్థితుల్లో మనుష్యులు, ముఖ్యంగా ఆడవాళ్ళు ఏ చిన్న ఆధారం దొరికినా చాలనుకుంటారు. నిన్న రాత్రి అది కలిసొచ్చింది. ఇక కథ క్లయిమాక్స్కి వచ్చేసినట్టే”.
…
తన చెల్లెలి జీవితంతో ఆడుకున్న సర్ జగపతిరావు బహదూర్ అనేవాడి మీద పగతీర్చుకునే నిమిత్తం..
ప్రసాదరావు అనే కౌటిల్యుడిలాంటి వృద్ధుడు జీవితంలో ఎప్పుడూ అబద్ధమాడని వేణు అనే అందమైన కుర్రవాడిని నియమించాడు.
వాళ్ళ కాంట్రాక్టు ప్రకారం జగపతిరావు కూతుర్ని ప్రేమలోకి దింపి, ఆమెను గర్భం వచ్చాక వదిలెయ్యాలి. వేణు రంగంలోకి దిగాడు. దిగాక తెలిసింది. – చూస్తే నాలుగు పెదవుల కలయిక చాలా సులభం, ఆలోచిస్తే రెండు మనసుల కలయిక చాలా కష్టం అని – అప్పటికే ప్రేమ వలలో పూర్తిగా ఇరుక్కుపోయిన వేణు ఎలా బయటపడ్డాడు?
మొదటిపేజీ నుంచి చివరి పేజీ వరకూ సస్పెన్సుతో మిమ్మల్ని మరోలోకంలోకి తీసుకుపోయే శైలిలో, అత్యద్భుతమైన శిల్పంతో, పరిపూర్ణమైన పాత్రల చిత్రణతో యండమూరి వీరేంద్రనాథ్ కలం నుంచి వచ్చిన మరో హరివిల్లు ‘సంపూర్ణ ప్రేమాయణం’.
-
Siggestondi – సిగ్గేస్తోంది
0₹75.00ఆరోజు సోమవారం !
క్రితంరోజు ‘శలవు బద్ధకం’ లోంచి బయట పడటానికి ఇష్టంలేనట్టుగా మత్తుగాపడుకుని ఉన్నారు కొంతమంది.
సూర్యుడికి, గృహిణికి అది కుదరదు కదా !
ఉదయభానుడు ఉరుకులూ పరుగులూ మీద పైకి పొడుచుకొచ్చేస్తున్నాడు. ప్రాత:కాలాన్నే లేచి, పెరట్లో రాత్రి కురిసిన పారిజాతాలు ఒళ్లో నింపుకుంటూ, ముంగిట్లో రంగవల్లులు తీర్చే అతివలు ఆ లొకాలిటీలో లేరు !
గేట్లమీద పాలపేకెట్లు చూస్తున్నాయి. మెట్లమీద న్యూస్పేపర్లు అడ్డంగా పడివున్నాయి.
కిలకిలారావాల్తో నిద్రలేచి, కూనిరాగాలతో పనులు ప్రారంభించవలసిన సుందరవదనలు, ఆదరాబాదరా పనుల్లో జొరబడి, తిరిగిపోతున్న గడియారపు ముళ్ళకేసి నిస్పృహగా చూస్తున్నారు.
కలలు కంటే, నిద్రలేని రాత్రి కరిగిపోయి, మండే కళ్ళతో పగలు ఆఫీసుల కెళ్ళాల్సొస్తుందని కలలను సైతం త్యాగం చేసే ఉద్యోగస్తురాళ్లు!
మధ్య తరగతి మహిళలు !
పునీత పువ్వులాంటి పాప బస్పాస్ కోసం ఫోటో తీయించుకోవాలని స్టూడియో కెళ్ళింది. అక్కడ!
వనజ పదహారేళ్ళ అమ్మాయి. బస్లో కాలేజికెళ్తోంది. కండక్టర్ ‘పీఛేజావ్’ అంటూ చెయ్యివేసి వెనక్కి తోసాడు. ఎక్కడ!?
ధరణి ఒక ఇంజనీరింగ్ కంపెనీలో ఉద్యోగస్తురాలు. సైటుకి రమ్మన్నాడు బాస్. ఎందుకో తెలుసు. కాదంటే
మంచినీళ్ళు పుట్టని సైటుకి బదిలీ చేస్తాడు. అదీ పరిస్థితి. మరేం చెయ్యాలి ? ఇక్కడ!? – పైకి కనబడకుండా – మూడోకంటికి అస్సలనుమానం రాకుండా-కేవలం తెలియాల్సిన వ్యక్తికే తెలిసేలా-ఆ వ్యక్తి మనసులోనే దు:ఖపడేలా-మరొకరికి చెప్పుకోవటానికి సిగ్గు పడేలా – ఓ అంతరంగవేదనా తరంగం యండమూరి వీరేంద్రనాథ్ సృష్టి ‘సిగ్గేస్తోంది’.
-
-
Swarabhetalam – స్వరబేతాళం
0₹80.00‘మారా …. మరా….. బచావ్” (చంపుతున్నాడు – చంపుతున్నాడు – రక్షించండి)
జనవరి 31, 1982 పొద్దున్న 7-50కి నాంపల్లి రైల్వేస్టేషను పక్కనున్న ఇంటినుంచి వినిపించిన కేకలవి.
హోటల్లో టీ తాగుతున్న ఒకరిద్దరు. రాయల్ లాడ్జి బయటున్న ఆటోడ్రైవర్లు ముగ్గురు అటువైపు పరుగెత్తారు.
కత్తి పట్టుకుని బయటకు వచ్చిన యువకుడిని చూసి అందరూ నిశ్చేష్టులై ఆగిపోయారు. సాహసవంతులైన నలుగురైదుగురు యువకులు మాత్రం అతడిని పట్టుకోవడానికి ప్రయత్నించారు. వాళ్ళను కూడా పొడిచి అతడు స్టేషనువైపుకు పరుగెత్తాడు.
లోపల ఇంట్లో కత్తిపోట్లుకు గురి అయిన వ్యక్తి రక్తంలో గిల గిల కొట్టుకుంటూ మరణించాడు. ఆ వ్యక్తి పేరు మొహిసిన్. అతడొక పోలీసు. హంతకుడి పేరు ధర్మదాస్. ధర్మదాస్ పరుగెడుతూ అడ్డుగా వచ్చిన వాళ్ళను పొడవగా గాయపడిన వాళ్ళు మొయినుద్దీన్, సయ్యద్ బాషా, పద్మనాభం, అన్వర్, జబ్బర్ (చివరి ఇద్దరూ ఆటో డ్రయవర్లు). చివరికి జనం ఆ హంతకుడిని పట్టుకుని పోలీస్స్టేషన్లో అప్పగించారు. అతడి దగ్గర రక్తంతో తడిసిన పొడవాటి కత్తి లభించింది. అతడు తన నేరాన్ని ఒప్పుకున్నాడు.
అతడు హత్య చేసాడని అందరికీ తెలుసు. నలుగురూ చూస్తూ వుండగానే హత్య చేసాడు. లోయర్ కోర్టు అతడికి ఉరిశిక్ష వేసింది. కానీ హైకోర్టు అతడిని నిర్దోషిగా విడుదలచేసింది.
కారణం ? ఐ.పి.సి. సెక్షన్ 84 నిచీశ్ీష్ట్రఱఅస్త్ర ఱర aఅ శీటటవఅషవ షష్ట్రఱషష్ట్ర ఱర సశీఅవ పవ a జూవతీరశీఅ, షష్ట్రశీ, a్ ్ష్ట్రవ ్ఱఎవ శీట సశీఱఅస్త్ర ఱ్, పవ బీతీవaరశీఅ శీట బఅరశీబఅసఅవరర శీట ఎఱఅస, ఱర ఱఅషaజూaపశ్రీవ శీట సఅశీషఱఅస్త్ర ్ష్ట్రవ అa్తీబవ శీట ్ష్ట్రవ ూష్కు. ూవష.84-Iఅసఱaఅ ూవఅaశ్రీ జశీసవ.
ఉరితీత మీద ధ్వజమెత్తి ‘అభిలాష’ నవల ద్వారా పాఠకుల్ని ఉర్రూతలూపినరచయిత శ్రీ యండమూరి వీరేంద్రనాథ్ ఈసారి లాజిక్తో హారర్ కలిపి న్యాయశాస్త్రపు మరోకోణాన్ని స్పృశించటానికి చేసిన ప్రయత్నం ‘స్వరబేతాళం’.
-
thirteen fourteen fifteen
0₹100.00హృదయం గది నిండా బాధ బురద పేరుకు పోకుండా నిరంతరం ప్రక్షాళన చేయడానికి కన్నీటిని ఇచ్చాడు భగవంతుడు. ఈ పెళ్ళి అనే వ్యవస్థలో ఏదో లోపం వుంది కాబట్టే చాలా మంది స్త్రీలు రాజీపడటాన్నీ, చాలా మంది పురుషులు ఎస్కేపిజాన్నీ తమ జీవితంగా మార్చుకుని బ్రతుకుతున్నారు. దేహావసరాలు తీర్చుకోవటమే జీవితం అనే అభిప్రాయానికి మనిద్దరం బలవంతంగా తోయబడ్డాం. ఒకరికొకరు ఏమీ కాకుండా …. కేవలం భార్యాభర్తలమయి…. ఇలా అసంతృప్తితో వేగిపోతున్న ఆమె – భర్తని ఒక అర్ధరాత్రి హోటల్ గదిలో ఒకమ్మాయితో చూసిన ఆమె, అదే ఆవేశంతో వెళ్ళి తనని ప్రాణం కన్నా ఎక్కువగా ప్రేమించే యువకుడి ఇంటి తలుపు తట్టింది. పురుషుడికొక న్యాయం స్త్రీకో న్యాయం ఎందునుకుంది.
అదొక తాత్కాలికమైన అసంకల్పిత ప్రతీకార చర్య, పర్యవసానం ? బ్లాక్ మెయిలింగ్, మానసిక సంఘర్షణ, ఊపిరి సలుపనివ్వని క్లైమాక్స్.
నకిలీ హిప్నటిజాల మాఫియా, కృత్రిమ సంతానోత్పత్తి కేంద్రాల మోసాల నేపధ్యంలో ఒక జర్నలిస్టు, ఒక రచయిత్రి, ఒక వ్యాపార వేత్త, భారతదేశపు నెంబర్వన్ టెన్నిస్ ప్లేయరు ఒకరు –
నాలుగువిభిన్న మనస్తత్వాలతో రచయిత యండమూరి వీరేంద్రనాథ్ ఆడుకున్న గేమ్ ’13-14-15′.
