Inko Kothi Kommacchi

రమణ పత్రికారంగాన్ని విడవడంతో మొదటి భాగం పూర్తి అవుతుంది. ఆ తర్వాతి నిరుద్యోగ విజయాలు, సినీరంగ ప్రవేశం, తొలిదశలో ఎదురైనా అవమానాలు, హేళనలు, సినీరచయితగా నిలదొక్కుకోవడం, ఓ డైరెక్టర్ ప్రవర్తనతో విసిగి సినీరంగాన్ని వదిలివేసి వచ్చేసినా ఆ రంగమే రెట్టింపు పారితోషికంతో పునరాహ్వనించడం, బాపుతో కలిసి చేసిన ‘జ్యోతి’ ప్రయోగం మేలు చేయడం మానేయడంతో ఏకంగా సినీనిర్మాతలు అయిపోవడం, ప్రయోగాత్మక సినిమాల నుండి అక్కినేని అందించిన సాయంతో కమర్షియల్ సినిమా వైపు మరలడం, ‘బుద్దిమంతుడు’ సంపూర్ణ రామాయణం’ సినిమా నిర్మాణాలలో ఔత్సాహిక నిర్మాతలుగా పడిన కష్టాలు…. వీటన్నిటితో రెండవ భాగం మరింత పరిచితంగా, రసవత్తరంగా సాగింది.