Odyssey ( Homer)

ఆకాశపు అంచుల్లో, మనుషుల ఊహలకు కూడా అందనంత ఎత్తులో ఉండే ఒలింపస్ పర్వతం మీద అప్పుడే సూర్యోదయం అవుతోంది. అది దేవతల నివాసం. అక్కడ మేఘాలు తెల్లటి దూది పింజాల్లా భవనాల చుట్టూ తిరుగుతుంటాయి. అక్కడ నక్షత్రాలు రాత్రిపూటే కాదు, పగలు కూడా అక్కడి బంగారు. వీధుల్లో మెరుస్తూనే ఉంటాయి. ఆ పర్వతం మీద ఉన్న అత్యంత ఎత్తైన భవనంలో, దేవతలందరికీ రాజు అయిన జ్యూస్ తన సింహాసనం మీద కూర్చుని ఉన్నాడు. జ్యూస్ అంటే సామాన్యుడు కాదు. ఆకాశంలోని ఉరుములకు అధిపతి. ఒక్కసారి కోపంతో ఆయన కనుబొమ్మ ముడిపడితే చాలు, కింద భూలోకంలో సముద్రాలు అల్లకల్లోలం అవుతాయి, ఆకాశం నుండి పిడుగులు విరుచుకుపడతాయి.

ఆ రోజు జ్యూస్ మనసు ప్రశాంతంగా ఉన్నా, భూలోకంలో మనుషులు చేసే పనులను చూస్తుంటే ఆయనకు వింతగా అనిపిస్తోంది. ఆయన తన ముందున్న బంగారు పాత్రలోని అమృతాన్ని నెమ్మదిగా తాగుతూ, అక్కడే ఉన్న దేవతలందరికీ వినిపించేలా గంభీరంగా ఇలా అన్నాడు.

“చూడండి! ఈ మనుషులు ఎంత వింతైన వారు! వాళ్ళు చేసే ప్రతి తప్పుకు, ప్రతి మూర్ఖత్వానికి దేవతలైన మనల్నే నిందిస్తారు. నిజానికి వాళ్ళ తలరాతను మనమేదో రాస్తున్నామని, మనమే వాళ్ళను కష్టాల్లోకి నెడుతున్నామని వాళ్ళు భ్రమపడుతుంటారు. కానీ అసలు విషయం అది కాదు. వాళ్ళ తెలివితక్కువ పనులే వాళ్ళను ఇబ్బందుల్లోకి నెడతాయి. ఉదాహరణకు ఈ ఏగిన్నే తీసుకోండి. ట్రాయ్ యుద్ధం ముగిసి అగమెమ్నన్ తన ఇంటికి తిరిగి వచ్చేసరికి, ఈ ఏగిస్టస్ అతని భార్య క్లైటెమ్నెస్ట్రాను లోబరుచుకున్నాడు. అంతటితో ఆగకుండా ఆమెతో కలిసి అగమెమ్నన్ని దారుణంగా చంపేశాడు. అది తప్పు అని, దానికి శిక్ష తప్పదని మేము మా దూత ద్వారా ముందే హెచ్చరించాం. ‘ఒరేయ్! అగమెమ్నన్ జోలికి వెళ్ళకు, అతని భార్యను…………………..

Nee Premalo Munigaka

అహంకారం . ఈ ఒక్క ఎక్కడి అహంకారం మనిషిని ఎక్కడి వరకైనా తెసుకువెళ్ళగలదు. ఎదుటి వాడి మీద గెలవాలి అనే అహంకారం, మనిషిని విచక్షణ కోల్పోయేలా చేసి, పిచ్చోడిలా మార్చగలదు. నేను చేసేదే కరెక్ట్, నేను మాత్రమే తెలివిగలవాడిని, అందరి మీదా నేనే గెలవాలి అనే అహంకారం ఉన్న మనిషి ఎప్పటికి గెలవలేడు, ప్రశాంతంగా బ్రతకలేడు.

వర్షాకాలం కనుక ఏకదాటిగా వర్షం కురుస్తూ ఉంది. సమయం ఉదయం ఆరవుతున్నా చలి వలన కలిగిన బద్దకంతో అనుకుంట హైదరాబాద్ నగరం అంతా నిద్ర మత్తులోనే ఉంది. కొందరు ఆఫీస్కి టైమ్ అవుతుందని తప్పక దుప్పటి తీసి బలవంతంగా లేస్తున్నారు. కొందరు ఇంకాసేపు ఆగి గుద్దాంలే అని, తమకి తామే సర్దిచెప్పుకుంటూ మళ్ళీ నిద్రలోకి జారుకుంటున్నారు. శుక్రవారం అందునా శ్రావణ మాసంలో వచ్చే మొదటి శుక్రవారం కూడా కావడంతో, కొందరు ఆడవాళ్ళు మాత్రం ఈ వర్షం, చలిని లెక్కచేయకుండా పూజలు చేసి, లక్ష్మీదేవిని ఇంప్రెస్ చేయాల్సిందే, అని పట్టు వదలకుండా లేచి తల స్నానాలు మొదలు పెట్టారు. ఇలా ఎవరి పనిలో వాళ్ళు ఉన్నారు.

జూబ్లీహిల్స్ పక్కన ఉన్న బస్తీలో ఒక చిన్న మూడు అంతస్తుల భవనం ఉంది. చెప్పుకోవడానికి మూడంతస్తుల భవనమే, కాని ఒక్కో అంతస్తులో ఇరికించి కట్టిన సింగల్ బెడ్రూమ్ ఫ్లాట్ ఉంది. దాని గోడలు పెచ్చులు ఊడిపోయి ఉన్నాయి. రాత్రి నుండి కురుస్తున్న వర్షం వలన ఆ మూడవ అంతస్తు పైన ఉన్న స్లాబ్ మధ్యలో ఉన్న సన్నని రంధ్రం గుండా కారుతున్న వర్షం నీరు, ఇంటి హాల్ నడి మధ్యలో పెట్టి ఉన్న పాత గిన్నెలో పడుతూ ఉంది. ఆ గిన్నెలో కారే ఒకో చినుకు టక్టాక్ మంటూ……………..