Premalekhalu

  ప్రేమలేఖలు అంటే ప్రియమైన మిత్రులకి రాయటం. పురుషులుగాని స్త్రీలుగాని సెక్స్ భేదమైనప్పుడు ఆ ప్రేమలోవలెనే లేఖలో కూడా రొమాన్స్ పొయెట్రీ, టెండర్ నెస్ ఎక్కువగా కనిపిస్తాయి. లేఖలు ఎక్కువ అందంగా ఆకర్షకంగా ఉంటాయి. ప్రేమలేఖలు కానివి, పోస్ట్ లో రోజువెళ్ళే లక్ష ఉత్తరాలు – అన్నీ చెత్త. చికాకు వ్యవహారాలకోసం, దొంగ మర్యాదలకోసం, తగాదాలు, నోటీసులు – ఈ రకాలు.

         మొత్తానికి విసుక్కుంటో రాసేవీ, ఏడుస్తో చదివేదిగా ఉంటాయి. వాజ్మయంలో లేఖకి స్థానం ఉండాలంటే అది ప్రేమలేఖ కావాలి. లేఖ కంటిన్యువస్ థాట్ గా ఉండాలి. చాలా ప్రియమైన మిత్రుడితో చల్లని కాలవ ఒడ్డునగాని, వెచ్చని గదిలో టీ, సిగరెట్ల ముందుగాని, కూచున్నప్పుడు ఎట్లా మాట్లాడతాము! అట్లా ఉండాలి ఉత్తరం. అంత నాచురల్ గా ఉత్తరం చదివే వారికి ఆ రాసేవారిని కలుసుకుని మాట్లాడుతున్నాము అనిపించాలి. ఉత్తరం చేతుల్లో పట్టుకుని చదివేవారు డే డ్రీమ్స్ లోకి, కలలోకి వెళ్ళకపోతే, ఆ ఉత్తరం వొచ్చి ప్రయోజనం లేదు.